കപ്പ തോരന്‍

ചേരുവകള്‍

1. വളരെ ചെറുതായി അരിഞ്ഞതോ

ഗ്രേറ്ററില്‍ ചുരണ്ടിയതോ ആയ
പച്ചകപ്പ -2 കപ്പ്
2.വെളുത്തുള്ളി -2 ചെറിയ അല്ലി
3.ചുവന്നുള്ളി -2 ചെറിയ അല്ലി
4. ജീരകം -1 നുള്ള്
5.മുളകുപൊടി -2 ടീസ്പൂണ്‍
6. മഞ്ഞള്‍പ്പൊടി -കാല്‍ ടീസ്പൂണ്‍
7. തേങ്ങ ചുരണ്ടിയത് -1 കപ്പ്
8. കടുക് -1 ടീസ്പൂണ്‍
9. കറിവേപ്പില -3 ഇതള്‍
10.വറ്റല്‍മുളക് -2 (6 കഷണങ്ങളാക്കിയത്)
11.ഉഴുന്നുപരിപ്പ് -1 ടീസ്പൂണ്‍
12.ഉപ്പ് -പാകത്തിന്

പാചകം ചെയ്യുന്ന വിധം

കപ്പ അരിഞ്ഞത് തിളച്ച വെള്ളത്തിലിട്ട് അധികം വെന്തുപോകാതെ വേവിച്ചെടുത്ത് വെള്ളം ഊറ്റിക്കളയുക.ചുരണ്ടിയ തേങ്ങയില്‍ വെളുത്തുള്ളിയും ചുവന്നുള്ളിയും നന്നായി ചതച്ച് മുളകുപൊടിയും
മഞ്ഞള്‍പ്പൊടിയും ഉപ്പും കൂടി ചേര്‍ത്ത് തിരുമ്മി വെയ്ക്കുക.ചീനച്ചട്ടിയില്‍ കടുക്,ഉഴുന്നുപരിപ്പ്,വറ്റല്‍മുളക് ഇവയിട്ട് മൂത്താല്‍ കറിവേപ്പിലയും ചേര്‍ത്തിളക്കി തയ്യാറാക്കി വെച്ച കപ്പയിട്ട് നന്നായി ചിക്കി തോര്‍ത്തി എടുക്കുക.